రూహి ఓహో రూహీ
ఎందరి ఆత్మవో నువ్వు
మరెందరి సుందర
స్వప్నానివో నువ్వు
ఖండాంతరాల దూరంలో
సప్త సముద్రాల కవతల
నేలకి దిగిన తారవి నువ్వు
తుషార భూమిలో వెలసిన
పటీరము నువ్వు
మా సుదాపయోదివి నువ్వు
మా స్వప్న శారిక నువ్వు
మా అమ్మవి నువ్వు
దూరాలు దాటి, తీరాలు దాటి
నీ బారసాల సంబరాలకు వచ్చి
మొదటిసారి నిన్ను చూసినపుడు
ఏదో భావోద్వేగం, ప్రేమభావం
నువ్వు కురిపించిన నవ్వుల వర్షపు జల్లు
కోటి హిమకాంతులను మురిపించింది
ముద్దులొలికే నీ నవ్వు
నిండు వెన్నలను సైతం
నల్ల మొహం వేయుస్తుంది
గుండెల్లో గులాబీలు పూయుస్తుంది
భాదల్ని మరిపిస్తుంది
భావాల్ని వెలికి తీస్తుంది
కవితల్ని కదిలిస్తుంది
మందారానికి బంగారం అద్దిన
నీ నవ్వులు
మా మధురిమల పుష్పాలు
మా మురిపాల నేస్తాలు
మాకు కోటి చిరుదివ్య కాంతి పుంజాలు
మాకు కోటి చిరుదివ్య కాంతి పుంజాలు
నీ నవ్వే నా కవితకు రాగం, తానం, పల్లవి
ఇకనుంచి జీవితమంతా
మా ముద్దుల బొమ్మవి నువ్వే, నీ నవ్వే!
ఇకనుంచి జీవితమంతా
మా ముద్దుల బొమ్మవి నువ్వే, నీ నవ్వే!
( మా మహతి- ప్రేమచంద్ లకు కూతురు "రూహి" పుట్టినపుడు జూన్ 2011 లో
నేను మినియాపోలిస్ వెళ్లి చూసినపుడు నా మదిలో కలిగిన భావాలు )
:)
ReplyDelete:)
:)